Бүгүн, 9-июнь күнү Кадамжай шаарынын аймагындагы Ош-Баткен-Раззаков унаа жолунун 126-чакырымында Honda Accord үлгүсүндөгү жеңил машина жолдон чыгып, кырсыкка учурагандыгы тууралуу маалымат түшкөн. Бул туурасында Өзгөчө кырдаалдар министрлигинен билдиришти.
Маалыматка караганда, аталган дарек боюнча куткаруу иштерине шаардагы Өрткө каршы куткаруу бөлүмүнөн тартылган 3 куткаруучунун жардамы менен унаанын ичиндеги 2 жаран тең аман-эсен куткарылып, тез жардам кызматына өткөрүп берилген.