Баткенде бардык электр чубалгылар калыбына келтирилди. Бул туурасында Энергетика министрлигинин басма сөз кызматы билдирди.
Маалыматка караганда, айыл тургундары толугу менен электр жарыгы менен камсыздалды. Орто-Боз көмөк чордону ишке кирди.
«Ош Электр» ишканасынын басма сөз кызматы чек арадагы кырдаал курчуп кеткенине байланыштуу Баткен районунун Ак-Сай, Көк-Таш, Орто-Боз, Жаңы-Бак, Таш-Тумшук жана Көк-Терек айылдары электр энергиясыз калганын билдирген. Баткен райондук электр тармактарына караштуу Самаркандек көмөкчү чордонундагы Орто-Боз аба чубалгысы үзүлүп кеткен.