Баткенде баңгизат сатууга шектелип коңшу мамлекеттин жараны кармалды. Бул тууралуу Ички иштер министрлигинен билдиришти.
Маалыматка караганда, ИИМдин Баңгизатка каршы күрөшүү кызматынын кызматкерлери «Апийим-2023» аттуу атайын иш-чаранын алкагында Кадамжай районунун Ынтымак айылында Өзбекстан менен чек арадан алыс эмес жерде 25 жаштагы А.Ж. аттуу коңшу мамлекеттин жаранын кармаган.
Кармалган шектүүнүн жанынан 5 даана брикет салынган баштык болгон. Экспертизанын корутундусуна ылайык, алынган зат «нашаа» чайыры болуп чыккан. Анын салмагы 4 кг 958 граммды түзгөн.
Аталган жаранга кылмыш иши козголуп, ал сот тарабынан камакка алынган.
Биздин Телеграм каналга катталыңыз