Сүлүктүдөгү мечиттен акча уурдоог шектүү адам кармалды. Бул тууралуу Баткен облустук ички иштер башкармалыгынын басма сөз кызматынан кабарлашты.
Маалыматка ылайык, 19-февралдан 20-февралга караган түнү Сүлүктү шаарындагы “Нур-Вали” борбордук мечитинин эсепканасындагы темир сейфин бирөөлөр бузуп, ичиндеги 77 миң сомдон ашуун акчаны уурдап кетишкен.
Бул факты Жазык кодексинин 200-беренеси (уурулук) менен катталып, сотко чейинки өндүрүш иши башталган.
Анын алкагында Кулуңду айылдык базарынан мурда сот жообуна тартылган Лейлек районунун Ак-Арык айылынын 24 жаштагы К.Б.аттуу тургуну шектүү катары кармалган.
Тергөө иштеринин жүрүшүндө шектүү мурда дагы шаардагы мечиттерге орнотулган садака кутучаларынын ичиндеги акчаларды уурдап жүргөндүгү аныкталып, убактылуу кармоо жайына киргизилген.