Баткен облусунун Лейлек райондор аралык медициналык-социалдык эксперттик комиссиясынын төрагасы жана эксперти майыптык тобун аныктоо ишиндеги коррупциялык схемага шектелип кармалышты. Бул тууралуу УКМК билдирди.
Маалыматка ылайык, аталган комиссиянын мүчөлөрү ден соолугунун мүмкүнчүлүгү чектелген адамдардын майыптык тобун аныктап берүү үчүн системалуу түрдө акча талап кылуу менен алектенишкен.
Кылмышка шектүү катары аталган комиссиянын төрагасы эксперт А.Ж.А. жана врач эксперт Э.У.Б. кармалып, убактылуу кармоочу жайга киргизилген.
Тергөөнүн жүрүшүндө аты аталган кызматкерлер майып жарандардан 3 миң сомдон 5 миң сомго чейин акча каражаттарын системалуу түрдө алгандыгын тастыктаган материалдар алынган.
Учурда тергөө иши уланууда.