Баткенде ири өлчөмдөгү акчаны чек ара аркылуу мыйзамсыз ташып жүргөн жаран кармалды. Бул тууралуу облустук милициядан билдиришти.
Маалыматка караганда, шектүү катары 32 жаштагы Алга айылынын И.И. аттуу тургуну кармалган. Ал өзүнүн унаасы менен эки капка салынган 11,7 млн рублды жана 110 миң долларды Өзбекстандан Кыргызстанга мыйзамсыз алып өтүп баратканда колго түшүрүлгөн.
Аталган факт боюнча Кылмыш-жаза кодексинин 231-беренесине (экономикалык аткезчилик) ылайык кылмыш иши козголгон.
Учурда тергөө иштери жүрүп жатат.