Коргоо министрлигинин саперлор тобу Баткен районунун Ак-Татыр айыл өкмөтүнүн Орто-Боз айылында жарылбай калган снаряддарды зыянсыздандыруу иштерин жүргүзүп жатат. Бул тууралуу Улуттук коопсуздук мамлекеттик ккомитетинен билдиришти.
4-майдын таңына карата кыргыз-тажик чек арасында абал туруктуу жана өткөн түнү ок атышуулар жана башка окуялар катталган эмес.
Мекеме жарылбай калган снаряддарды зыянсыздандыруу иштерине байланыштуу кыргыз-тажик чек арасына жакын жашаган кыргызстандыктарды жарылуунун үнүнөн дүрбөлөңгө түшпөөгө чакырат.