Баткендеги көмүр шахтада 4 адам набыт болду. Бул тууралуу Өзгөчө кырдаалдар министрлигиниен кабарлашты.
Маалыматка ылайык, окуя кечээ, 23-июнда Баткен облусунун Сүлүктү шаарындагы ЖЧК “Кенчилер-Береке” шахтасында орун алган. Анда шахтадан газ чыгып, кырсыктын кесепетинен 4 адам: 3 эркек киши жана 1 аял киши газга ууланып каза болушкан (1947-жылы туулган; 1983-жылы туулган; 2001-жылы туулган жана 1986-жылы туулган адамдар).
Окуя болгон жерге куткаруучулар барып, каза болгон адамдардын жансыз денелерин шахтадан чыгарып, Сүлүктү шаардык ооруканасынын өлүк сактоочу жайына жеткиришкен.
