Баткен облусунда алдамчылыкка шектелген жаран кармалды. Бул тууралуу облустук милициянын басма сөз кызматы билдирди.
Маалыматка караганда, Баткен районунун Жаңы-Жер айыл аймагынын 26 жаштагы тургуну Н.У. милицияга арыз менен кайрылган. Анда ал 2022-жылдын апрель айында YouTube аркылуу лотерея ойноткон жарандын М-Ваnk капчыгына 99 миң сом акча которгонун жана ал жаран бүгүнкү күнгө чейин лотерея ойнотпой, качып жүргөнүн билдирген.
Бул арыз каттоого алынып, Кылмыш-жаза кодексинин 209-беренеси (алдамчылык) менен катталып, сотко чейинки өндүрүш иши ачылган.
Баткен РИИБдин кызматкерлеринин ыкчам иликтөө иштеринин натыйжасында лотерея ойнотом деген жарандын өздүгү аныкталып, 2022-жылдын 21-декабрь күнү Лейлек районунун Раззаков шаарынын 23 жаштагы Б.Н. кармалып, убактылуу кармоо жайына киргизилген.
Учурда тергөө иштери жүрүп жатат.
Биздин Телеграм каналга катталыңыз