Жалал-Абад облусунун Базар-Коргон районунда 14 жаштагы өспүрүм изделүүдө. Бул тууралуу Өзгөчө кырдаалдар министрлигинен билдиришти.
Маалым болгондой, 112 кызматына Ак-Булак айылынын 2009-жылы туулган М.Ф. аттуу тургуну үйүнөн чыгып кеткен бойдон дайынсыз болуп жаткандыгы тууралуу маалымат түшкөн.
1-апрелде издөө иштерине алты куткаруучу, беш милиция кызматкери жана жергиликтүү тургундардан 100 адам тартылган. Кеч кирип, издөө иштеринен жыйынтык болбогондугуна байланыштуу издөө иштери убактылуу токтотулган.
Бүгүн, 2-апрелде издөө иштери улантылууда.
Биздин Телеграм каналга катталыңыз