Жалал-Абад облусунун башчысы Абсаттар Сыргабаев венгриялык инвесторлор менен жолугуп, Базар-Коргон районуна кубаттуулугу 200 МВт болгон күн электр станциясын куруу боюнча сүйлөшүү өткөрдү. Бул тууралуу президенттин облустагы өкүлчүлүгү билдирди.
Күн станциясын райондун Акман, Бешик-Жон жана Базар-Коргон шаарында куруу пландалган. Ага аталган аймактардан 450 гектар жер бөлүнөт.
“Ыйгарым укуктуу өкүл облуста электр энергиясын өндүрүүгө кызыккан инвесторлор үчүн ири мүмкүнчүлүктөр бар экенин белгиледи. Күн электр станциясын куруу да облустагы алгачкы артыкчылыктуу долбоорун айтып, керектүү жардамдар көрсөтүлөөрүн кошумчалады”, — деп айтылат маалыматта.