Базарда арам өлгөн малдын эти сатылууда. Бул тууралуу Жогорку Кеңештин жыйынында депутат Сүйүн Өмүрзаков билдирди.
Ал мамлекеттик органдарды бул жаатта көзөмөлдү күчөтүүгө чакырды.
“Базардагы эттин бир бөлүгү арам экендиги айтылууда. Аны көбүнчө колбаса жасоого алышат экен. Арам малдын эти жугуштуу оорулардын жайылышын көбөйтүп, элдин саламаттыгына терс таасирин тийгизет. Көп оорулардын себебин дагы ушул жактан издесек”, — дейт Сүйүн Өмүрзаков.
Депутат мындай этти саткандарга карата жоопкерчиликти күчөтүүнү дагы сунуштады.
“Алар санитардык талапты бузгандыгы үчүн айыппул менен гана кутулуп кетет экен”, — дейт эл өкүлү.
Биздин Телеграм каналга катталыңыз