Адилет Кубанычбеков Мамлекеттик бажы кызматынын төрагасы болуп дайындалганын аталган башкармалыктын басма сөз кызматы билдирди.
«Министрлер кабинетинин төрагасы Акылбек Жапаровдун 2021-жылдын 26-октябрындагы буйругу менен Кубанычбеков Адилет Кубанычбекович Кыргыз Республикасынын Экономика жана финансы министрлигине караштуу Мамлекеттик бажы кызматынын төрагасы болуп дайындалды», — деп айтылат маалыматта.
Акылбек Жапаров жаңы төраганы бажы кызматкерлерине тааныштырды.
Мындан тышкары анын орун басарлары болуп Эрик Ирискулбеков менен Азамат Абдыкалыков дайындалды.
Мурдагы жетекчилер башка ишке өткөндүгүнө байланыштуу ээлеген кызматтарынан бошотулган.