Бийчи Жан Воинов бейбаштыкка шектелип, 2025-жылдын 1-августуна чейин 1 айга камакта калтырылды. Бул тууралуу юрист Шердор Абдыкапаров билдирди.
Буга чейин 30-июнда Ж.Т. аттуу жаран Бишкек шаардык Биринчи Май РИИБге арыз менен кайрылып, ошол эле түнү болжол менен саат 01:00 чамасында Киев көчөсүндөгү мейманканалардын биринде Жан Воинов коомдук тартипти бузуп, негизсиз түрдө денесине жаракат келтиргенин билдирген.
Бул факты боюнча Тергөө кызматы тарабынан Кылмыш-жаза кодексинин 280-беренеси (бейбаштык) боюнча кылмыш иши козголгон.