Беш жылдык минималдык эмгек стажы болбогон жарандар пенсияга чыга албайт. Бул тууралуу Reporter.kg’ге Социалдык фонддон билдиришти.
Социалдык фонддон белгилешкендей, мурда өлкөдө аялдардын минималдык стажы 20 жыл, эркектердики 25 жыл болгон. Жаңы мыйзам боюнча ал 5 жылга чейин түшүрүлдү. Ошол эле учурда 5 жылдык стажы болбогондор пенсияга чыга албайт деген норма киргизилди. Эми Социалдык фондго акча төкпөгөн жана эмгек стажы 5 жылга жетпеген жарандар пенсия эмес жөлөкпул алып калат.
Ошол эле учурда Социалдык фонд жарандардын жогорку билим алган жылдары, эркектердин аскерде кызмат өтөгөн мезгили эмгек стажга кошулуп эсептеле турганын билдиришти.
Белгилей кетсек, минималдуу эмгек стажы бара-бара көтөрүлөт.