«Бир Бол» саясий партиясы логотибин өзгөрттү. Бул тууралуу аталган партиянын лидери, Жогорку Кеңештин депутаты Алтынбек Сулайманов фейсбук баракчасына жазды.
Ал “Бир Бол” партиясынын жаңыланган логотибин жүктөп “Партияда жаңылануу башталды! “Жөжөнү күздө санайбыз!» — деген билдирүү калтырды.
Партиянын мурдагы логотибиндеги илбирс жалгыздыктын символу болгондуктан ал мындан ары депутат Алтынбек Сулаймановдун жеке логотиби болуп кала берери белгилүү болду. Ал эми сары түстөгү жаңыланган логотибдеги жети колдун сүрөтү өлкөнүн жети дубанын биримдикке чакырган символ болмокчу.
