Бишкекте бир жумала 9 миңден ашык жол эреже бузуу аныкталды. Бул тууралуу Милициянын кайгуул кызматынан билдиришти.
Маалыматка караганда, 15нен 21-январга чейин катталган 9 миң 8 жол эреже бузуунун ичинен 121 айдоочу мас абалда кармалган, 104 киши унаанын ылдамдыгын ашырып айдаган, 91 адам айдоочулук күбөлүгү жок унаа башкарган.
15-21-январда аныкталган башка жол эреже бузуулар:
— унааны тиешелүү каттоосу жок башкаргандар — 293;
— эреже бузган жөө жүргүнчүлөр — 887;
— жол белгилеринин талаптарын аткарбагандар — 5 миң 813;
— унаанын терезелерин мыйзамсыз караңгылаткандар — 24;
— мотошлемдерди же коопсуздук курларын пайдалануу эрежелерин бузуу — 636;
— башка эреже бузуулар – 1 миң 39;
Ошондой эле 1 миң 65 унаа айып короосуна токтотулган.
Милициянын кайгуул кызматы жарандарды жол эрежесин сактоого чакырат.