Өзгөчө кырдаалдар министрлиги Кыргызгидромет борборуна таянып жакынкы күндөргө карата аба ырайынын божомолу тууралуу маалымат таратты.
Ага ылайык, 2-январдан 8-январга чейин Кыргызстандын айрым аймактарында күн ачык болсо, айрым жерлерде кар жаашы күтүлөт.
2-январда жана 3-январда түнкүсүн жаан-чачын күтүлбөйт.
3-январда күндүз Чүй, Талас, Ош, Жалал-Абад, Баткен облустарынын кээ бир райондорунда кар жаашы күтүлөт. Ысык-Көл, Нарын облустарында жаан-чачын күтүлбөйт.
4-январда көпчүлүк аймактарда мезгил-мезгили менен кар жаашы күтүлөт.
5-январда түнкүсүн кээ бир тоолуу райондордо кар жаашы күтүлөт. 5-январда күндүз жана 6-январда түнкүсүн жаан-чачын күтүлбөйт.
6-январда күндүз Жалал-Абад, Ош, Баткен облустарынын кээ бир тоо этектеринде жана тоолуу райондорунда кар жаашы күтүлөт, калган аймактарда жаан-чачын күтүлбөйт.
Чүй, Талас, Ош, Жалал-Абад, Баткен облустарынын кээ бир райондорунда туман түшүшү күтүлөт. Жолдор тайгак, тоңголок болот. Батыштан соккон шамалдын ылдамдыгы секундасына 3-8 метрге жетиши күтүлөт.
7-8-январларда мезгил-мезгили менен кар жаашы күтүлөт. Абанын температурасы дээрлик өзгөрүлбөйт.