Чет өлкөлүк инвестициялардын келүүсү 2021-жылдын январь-июнуна салыштырмалуу эки эсеге көбөйдү. Бул тууралуу Улуттук статистикалык комитет билдирди.
Маалыматка караганда, 2022-жылдын январь-июнунда 2021-жылдын ушул мезгилине салыштырмалуу тике чет өлкөлүк инвестициялардын келип түшүү агымы 2,0 эсеге көбөйүп 628 млн. АКШ долларынын ашыгын түздү. Муну менен бирге келип түшүү агымы чыгып кетүү агымынын деңгээлинен 145 млн. АКШ долларынан ашты.
Тике чет өлкөлүк инвестициялардын түзүмүндө өткөн жылдын I жарым жылына салыштырмалуу бардык түзүүчүлөрдүн келип түшүүсүнүн көбөйгөнү белгиленди, резидент эместерден алынган кредиттерди кошпогондо, алардын көлөмү 29,8 пайызга кыскарды.