Бишкекте алдамчылык менен дары сатууга шектелген адам кармалды. Бул тууралуу Милициянын кайгуул кызматы кабарлайт.
Такталгандай, 13-июлда милицияга шаар тургуну кайрылып, Ахунбаев менен Чапаев көчөлөрүнүн кесилишинде белгисиз адам 2000 сомдук дарыны алдап 6000 сомго сатып, из жашырып кеткенин айткан.
Көрүлгөн ыкчам аракеттердин натыйжасында бул ишке шектүү катары 31 жаштагы адам колго түшүп, Ленин райондук милициясынын тергөө бөлүмүнө өткөрүлүп берилген.
Учурда сотко чейинки өндүрүш жүрүп жатат.