Бүгүн, 20-апрелде Бишкектеги 9 мектепке бомба коюлганы тууралуу маалымат түшкөн. Бул тууралуу шаардык милициядан билдиришти.
Маалыматка караганда, болжол менен саат 07:29да «102» кызматына №33 мектептин электрондук почтасына бомба тууралуу кат келгени жөнүндө маалымат түшкөн.
Буга байланыштуу жерине тергөө-ыкчам тобу барып, мектептин аймагы курчоого алынып, окуучулар менен мектептин кызматкерлери эвакуацияланган.
Андан тышкары, бомба тууралуу маалыматтар № 64, 52, 67, 62 32, Бишкектеги эл аралык мектеп, «Оксфорд» жана «Сейтек» менчик мектебинин электрондук почтасына келип түшкөн. Учурда жеринде тиешелүү кызматтар иш алып барууда.
Кийинчерээк кошумча маалымат берилет.
Биздин Телеграм каналга катталыңыз