Бишкек шаарынын мэри «Мадина» базарынын тегерегин текшерип, коомдук жайларды мыйзамсыз ээлөө жана санитардык нормалардын бузулушу боюнча олуттуу кемчиликтерди аныктады. Мэрия билдиргендей, “Мадина” ЖЧКсы буга чейин берилген протоколдук тапшырмаларды толук аткарган эмес.
Текшерүүнүн жүрүшүндө тротуарларда мыйзамсыз соода жүргүзүлүп жатканы аныкталып, бул жөө жүргүнчүлөр үчүн коомдук жайлардын жеткиликтүүлүгүн чектеген. Мэр ишкерлик субъекттеринин өкүлдөрү менен жолугушуп, ишмердүүлүктү мыйзам чегинде жүргүзүү зарылдыгын баса белгиледи.
Санитардык көзөмөл органдары тарабынан 24 буйрук чыгарылып, жалпы 277 500 сомго протоколдор түзүлдү. Мыйзам бузууларга байланыштуу 10 соода түйүнү жабылды.