Бишкек шаарынын мэри Азиз Суракматовдон короновирус табылды. Бул маалыматты мэриядан тастыкташты.
Маалыматка караганда Азиз Суракматов 3 күндөн бери үй шартында обсервацияга алынган. Мэрдин илдети жеңил түрдө өтүп жатат, бир аз дене табы гана көтөрүлгөн.
Мэриядан ошондой эле илдетке карабастан Суракматов аралыктан иштеп жатканын, шаардагы баардык штабдар оперативдүү иштеп жатканын кабарлашты.