Бишкек шаардык мэриясы автобустарды сатып алуу боюнча экинчи тендер жарыялады. Бул тууралуу шаардык муниципалитеттин басма сөз кызматы билдирди.
Маалыматка ылайык, 1-июлда Бишкек жүргүнчүлөрдү ташуучу транспорттук ишканасы чексиз сатып алуу ыкмасы менен 100 жүргүнчү ташуучу автобус сатып алууга тендер жарыялаган.
Сынакка төрт компания, анын ичинде жергиликтүү өндүрүшчү “Белес KG” ЖЧКсы катышты.
Мэрия буга чейин комиссия бардык катышуучулардын тендердик арыздарын четке кагып, сынакты жараксыз деп тапканын белгиледи.
«Себеби катышуучулардын конкурстук табыштамаларында техникалык тапшырманын (автобустардын техникалык параметрлери) жана тендердик документациянын белгиленген талаптарына жооп бербеген олуттуу кемчиликтер аныкталган», — деп кошумчалашты алар.
Тендердик документтерди ачуу 21-июлга белгиленген. Тендердин жыйынтыгы менен жеңүүчү компания менен келишим түзүлөт.
Мэрия буга чейин «Белес KG» ЖЧКсы менен Транспорт жана жол инфраструктурасын өнүктүрүү департаментинин ортосунда «чыгарылып жаткан техниканын сапатын алгачкы текшерүүдөн өткөрүү» үчүн жергиликтүү өндүрүүчүдөн беш автобус сатып алуу ниети тууралуу меморандумга кол коюлганын баса белгиледи.
«Компания менен автобустарды сатып алуу боюнча кол коюлган меморандумдун алкагында иш уланууда», — деп жыйынтыктады мэрия.