Бишкекте коронавирустун алдын-алуу максатында ири иш-чаралар токтотулган. Шаар бийлиги майрамдарды өткөрүүгө бөлүнө турган каражаттар каякка жумшала турганын айтты.
«Ушул жылдын 8-март Аялдардын эл аралык күнүн куттуктоого шаардык бюджеттен 2 млн. 200 миң сом каралган, ал эми «Ала-Тоо» аянтында өткөрүлө турган Ноорузга 2 млн сом бөлүнгөн. Жалпы 4 млн 200 миң сом шаар бийлигинин казынасында калат. Бул каражат алдыда боло турган борбордун башка майрамдык иш-чараларына жумшалат», — деп маалымдашты мэриядан.
Белгилей кетсек, үстүбүздөгү жылда Бишкек шаардык мэриясы 17 ири иш-чараларды өткөрүүнү пландаган.