Бишкек шаарынын мэриясынын Капиталдык курулуш мамлекеттик башкармалыгы Мурас-Ордо жана Алтын-Ордо конуштарындагы мектептерге, ошондой эле Кара-Жыгач конушундагы бала бакчага технологиялык жабдууларды сатып алууга тендер жарыялайт. Бул тууралуу мамлекеттик сатып алуулар сайтында маалымдалды.
Тендердин жалпы суммасы 10,2 миллион сомду түзөт.
Бул акчага Мурас-Ордо конушундагы мектепке оргтехникаларды (компьютер, планшет, принтер, сканер ж.б.) сатып алууга 6,8 миллион сомдон ашык, ошондой эле 1,4 миллион сом спорттук жабдууларды сатып алууга жумшалат.
Мындан тышкары, Алтын-Ордо конушундагы мектепке тиричилик жабдууларын жана чарбалык буюмдарды сатып алууга 1 миллион 600 миң сом сарпталат. Калган каражат Кара-Жыгач конушундагы бала бакчанын музыкалык залына жабдууларды сатып алууга жумшалат.
Бардык жаңылыктар Телеграм каналда