Бишкек-Ош жолу ачык, учурда жааган жука карды тазалоо иштери жүрүүдө. Бул тууралуу Транспорт жана жол министрлигинен билдиришти.
Төө-Ашуу жана Ала-Бел ашууларында калыңдыгы 10 сантиметрдей кар түшкөн. Жол кызматкерлери кум-шагыл төгүп, тазалоо иштерин жүргүзүп жатат.
Учурда автоунаа тыгыны жок, жолдор өз убагында тазаланып, Төө-Ашуу, Ала-Бел жана Өтмөк ашуулары аркылуу машинелердин токтоосуз өтүүсүнө толук шарт түзүлгөн.
Буга байланыштуу министрлик айдоочуларды тийиштүү аралыкты сактап, алыс жолго чыгаарда автоунааларын техникалык абалын жакшылап текшерип алууга чакырат.