Бишкек — Ош унаа жолунда оор жүк ташуучу унааларга чектөө киргизилди. Бул тууралуу Жол кыймылынын коопсуздугун камсыздоо башкы башкармалыгынын облустук өкүлчүлүгүнөн билдиришти.
Маалыматка ылайык, 21-март күнү саат 09:30дан баштап, аба ырайынын кескин түрдө өзгөргөндүгүнө жана Ала-Бел жана Чычкан капчыгайында кардын тынымсыз жаап жатканына байланыштуу, Бишкек — Ош унаа жолунун 272 чакырымында жайгашкан «Арал» стационардык посттунан оор жана кооптуу жүк ташуучу автоунаалар үчүн убактылуу чектөө киргизилген.
Учурда жол тейлөө ишканалары тынымсыз иш алып барып жатканы айтылат.
