Бишкек-Ош унаа жолунда эки унаа кагышып, 5 адам жабыркады. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка караганда, жол кырсыгы кечээ, 3-январь күнү Бишкек-Ош унаа жолунун 240-чакырымында Токтогул районунда болгон. Анда “Honda Accord” жана “Daewoo Nexia” үлгүсүндөгү унаалардын катышуусунда жол кырсыгы катталган.
Кырсыктын кесепетинен 5 эркек киши жабыркаган (1990-жылы туулган, 2000-жылы туулган, 2001-жылы туулган, 1986-жылы туулган, 2004-жылы туулган).
Жаракат алган адамдарды жолдон өтүп бара жаткан башка унаалар ооруканага жеткиришкен.
Учурда алардын абалдары туруктуу.