Бишкек шаарынын мусулмандар казысы болуп Замир каары Ракиев дайындалды. Бул тууралуу муфтияттын маалымат кызматынан кабарлашты.
Тиешелүү буйрукка муфтий Максатбек ажы Токтомушев кол койгон.
Замир каары Ракиев 1978-жылдын 15-февралында Нарын облусунун Кочкор района караштуу Шамшы айылында төрөлгөн.
2007-2008-жылдары Чүй облусунун Аламүдүн району, «Абу Бакр Сыддык» медресесинде мугалим болуп иштеген;
2008-2010-жылдары Чүй облусунун Аламүдүн району, «Абу Бакр Сыддык» медресесинде директор болгон;
2010-2011-жылдары Нарын облусунун казысы;
2011-2016-жылдары Кыргызстан мусулмандарынын Азирети муфтийинин орун басары;
2016-2017-жылдары Кыргызстан мусулмандар Дин башкармасынын окуу бөлүмүнүн башчысы;
2017-жылдын май айынан тарта муфтийдин орун басары болуп эмгектенип келген.
Эске сала кетсек, Бишкек шаарынын мурдагы казысы Садридин ажы Маджитов оорудан улум июль айында каза болгон.