Бишкектин жанындагы темир жолдон 16 жаштагы өспүрүмдүн жансыз денеси табылды. Бул тууралуу Чүй облустук ички иштер башкармалыгынан билдиришти.
Маалыматка ылайык, кечээ, 29-апрелде Сокулук районунун ички иштер башкармалыгынын нөөмөт бөлүмүнө Военно-Антоновка айылындагы темир жолдон жашы жете элек баланын жансыз денеси табылгандыгы тууралуу маалымат түшкөн.
Милиция кызматкерлери жаш жигиттин өздүгүн тактап, ал 2006-жылы туулган К.Р. Учурда анын өлүмүнүн чоо-жайы иликтенип, экспертиза дайындалды.