Бишкектин Учкун кичирайонунда жылуулук жана ысык суу убактылуу өчүрүлдү. Бул тууралуу мэриядан билдиришти.
Маалым болгондой, текшерүү учурунда диаметри 377 мм болгон (1994-жылы пайдаланууга берилген) түтүктөн суу агып жатканын аныкталып, ага байланыштуу Учкунда ысык суу менен жылуулук өчүрүлгөн.
Учурда оңдоо бригадалары түтүктүн жарылган жерин жана канчалык жараксыз абалга келгенин аныктоо иштерин жүргүзүүдө.
«Жылуулук жана ысык суу качан берилери тууралуу кошумча маалымдалат», — деп билдирет мэрия.
«Бишкек жыллулук тармагы» ишканасы убактылуу ыңгайсыздыктарга түшүнүү менен мамиле кылууну суранат.