Ушул жылдын 30-октябрь күнү Таш-Көмүр көчөсүндөгү үйүнүн жанында токтоп турган Honda Fit үлгүсүндөгү автоунаасынын төрт дөңгөлөгүн уурдатып жиберген тургундун буюмдары табылды. Бул туурасында Октябрь райондук милицясы билдирди.
Маалыматка караганда, ыкчам аракеттин натыйжасында милиция кызматкерлери 26 жаштагы жаранды кармады. Көрсө, ал уурдаган дөңгөлөктөрдү өзүнүн автоунаасына тагып алган. Мүлк ээсине кайтарып берилген.
Кылмышка шектүү Бишкек милициясынын убактылуу кармоо жайына киргизилди. Шектүүнүн ушул сыяктуу төрт кылмыш ишине тиешеси бар экени аныкталган.