Бишкек комендатурасы жасалма өткөрмө кагазын саткан жигитти кармады. Бул тууралуу шаардын коменданты Алмазбек Орозалиев билдирди.
«Жасалма өткөрмө кагаздары менен алектенип, аларды 1500 сомдон сатып жүргөн 1990-жылы төрөлгөн жигитти кармадык. Андан мөөр, клише жана өткөрмө кагаздар алынды”, — деди ал.
Комендант бул учурду аныктоого көмөктөшкөн журналист Нурис Алымбаевге ыраазычылык билдирди.
Буга чейин УКМК Бишкекте милиция кызматкери уруксат кагазды сатуу үчүн акча алып жатканда кармаган.
