Бүгүн, 15-ноябрда Кыргызстанга Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын күзгү сессиясына катышуу үчүн Азербайжандын Милли Межлисинин төрайымы Сагиба Гафарова баштаган делегация келди. Бул тууралуу парламенттин басма сөз кызматы билдирди.
Сыйлуу конокторду «Манас» эл аралык аэропортунан Жогорку Кеңештин төрагасынын орун басары Нурбек Сыдыгалиев тосуп алды.
Белгилей кетсек, 2023-жылдын 16-17-ноябрь күндөрү Бишкекте Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын (КМШ ПАА) жыйындары өтөт.
Биздин Телеграм каналга катталыңыз