Борбор калаада 22-апрелден тарта жаңы №80 муниципалдык автобус каттай ишке чыгат. Бул тууралуу мэриядан билдиришти.
Каттам 12-кичи райондон Ак-Кула ипподромуна чейин каттап, борбор калаанын 40тан ашык аялдамасын камтыйт.
Автобустар Фрунзе, Токомбаев, Ахунбаев, Байтик Баатыр, Сүйүмбаев жана Сүйөркулов көчөлөрү менен жүрөт.
Белгилей кетсек, каттамда «Zhongtong» жана «Golden Dragon» автобустары иштейт жана интервал 10-15 мүнөттү түзөт.