Бишкек шаарынын Октябрь районунун акими Жаныбек Орозалиев «Социалдык келишим» программасы боюнча ар бирине 100 миң сомдон жардам алган 6 аз камсыз болгон үй-бүлөгө барды. Бул тууралуу мэриянын басма сөз кызматы билдирди.
Маалыматка караганда, көчмө жыйындын жүрүшүндө аким турак-жай шарттары жана социалдык келишим аркылуу чакан бизнести алдыга жылдыруу менен таанышты.
2022-жылы аз камсыз үй-бүлөлөр менен 71 социалдык келишим түзүлгөн:
— 40 үй-бүлө тигүүчү машиналарды сатып алып, буйрутмаларды алып, үйүндө тигүү иштерин жүргүзүштү;
— 13 соода (кийим-кече, жашылча-жемиштер);
— 6 таттууларды жасоо (торт жана печенье);
— 9 репетитор, фото-видео тартуу, сайма сайуу, самын жасоо жана башка;
— 3 такси кызматы.
Белгилей кетсек, буга чейин үй-бүлөгө көмөк жөлөк пулун алган үй-бүлөлөр үчүн Министрлер кабинетинин токтомун аткаруу максатында финансылык сабаттуулук боюнча окуттуу өткөрүлгөн.
Биздин Телеграм каналга катталыңыз