Бишкектеги имараттардын биринин 11-кабатынан кулаган кыз ооруканадан каза болду. Бул тууралуу бүгүн, 7-ноябрда Саламаттыкты сактоо министрлигинен билдиргенин «super.kg» жазды.
Маалыматка ылайык, ал өтө оор абалда Бишкек шаардык Травматология жана ортопедия илим изилдөө борборуна жеткирилген болчу.
«Кыз башынан оор жаракат алган, мындан сырткары бир нече жери сынып кеткен. Ал ооруканага жеткирилген соң 3 сааттан кийин каза болуп калды», — деп билдиришти министрликтен.
Окуя кечээ, 6-ноябрда Киев жана Тыныстанов көчөлөрүнүн кесилишиндеги курулуп жаткан имаратта болгон. Оор жаракаттарды алган кыз дароо ооруканага жеткирилген болчу.