Бишкекте ур-токмокко кабылып өлгөн 15 жаштагы өспүрүм кыздын өлүмүнө шектүү катары атасы кармалды. Бул тууралуу милициянын кайгуул кызматынан кабарлашты.
Такталгандай, 6-июл күнү саат эртең менки саат тогуздар чамасында борбор калаанын кичи райондорунун биринде аёсуз сабалган жаш кыздын каза болгондугу тууралуу маалымат келип түшкөн. Окуя болгон жерге барган тергөө-топ 15 жаштагы кыз алган жаракатынан окуя болгон жерде каза болгонун аныктакшан.
Бул факты Жазык кодесиндеги 130-берене (“Адам өлтүрүү”) менен Кылмыштардын жана жоруктардын бирдиктүү реестрине катталып, иликтөө иштери башталган.
Милициянын кайгуул кызматы бул кылмышка шектүү катары каза болгон кыздын атасын колго түшүрүшүп, тергөөчүлөргө өткөрүп беришкен.