Бишкекте суу ташуучу унаа менен скутер кагышып, 17 жаштагы скутердин айдоочусу каза болду
Кырсык Түштүк магистрал менен Бажа жолунун кесилишинде болгон.
Патрулдук милициянын айтымында, мопедде 17 жаштагы эки бала бараткан. Алардын алдындагы Mercedes автоунаасы тормозду тепкенде, скутердин айдоочусу токтогонго жетишпей калып, машинанын артына урулуп, мопеддеги өспүрүмдөрдүн экөө тең кулаган. Ошол маалда артта келе жаткан суу ташуучу унаа балдардын бирин тебелеп кеткен.