Бишкек шаарында көп кабаттуу үйдүн терезесинен кулаган өспүрүм ошол жерде жан берди. Бул тууралуу Октябрь райондук ички иштер башкармалыгынын басма сөз кызматы билдирди.
Маалыматк караганда, кырсык 18-майда саат 08:00 чамасында катталган. Анда Каралаев көчөсүндө жайгашкан үйдүн 9-кабатынан өспүрүм кулап кеткендиги тууралуу билдирүү түшкөн. Алган жараатынан улам ал ошол жерде жан берген.
Териштирүү иштеринин жүрүшүндө ал 2008-жылы туулган Н.И аттуу өспүрүм экендиги аныкталган. Бул факт каттоого алынып, учурда кырсыктын чоо-жайын тактоо иштери жүрүп жатат.