Бишкекте автоунаа жөө жүргүнчүнү сүзүп кетти. Бул тууралуу “Репортерго” Милициянын кайгуул кызматынан кабарлашты.
Маалыматка ылайык, жол кырсыгы бүгүн, 25-февралда саат 10:00дөр чамасында Бишкек шаарынын Анкара көчөсүндө болгон. Анда кырысыкка себепкер автоунаанын ээси окуя болгон жерден из жашырып кеткен.
Жол кырсыгынан жабыркаган 20 жаштагы жөө жүргүнчү “Тез жардам” кызматы менен ооруканага жеткирилген.
Учурда Милициянын кайгуул кызматы аталган автоунааны аныктоо, айдоочусун кармоо иштерин жүргүзүүдө.
