Аба ырайынын кескин өзгөрүүсүнөн улам айдоочуларга “тайгак жол” (Гололед) аталышында рейд өтүүдө. Бул тууралуу Милициянын кайгуул кызматынан билдиришти.
Маалыматка ылайык, 14-мартта Бишкек шаарынын аймагында 19 жол кырсыгы катталып, андан 49 адам жабыркаган.
Кырсыктын негизги себеби жолдун тайгактыгы, айдоочулардын аралыкты сактабаганы жана жогорку ылдамдыкта айдаганы экени айтылат.
Мындан улам, 18-мартка чейин Бишкек шаарынын аймагында “тайгак жол” аталышында атайын профилактикалык иш-чара өтөт.
