Бишкекте мигранттарды мыйзамсыз жумушка алган жана иштеткендер аныкталып, айып пулдар салынды. Бул тууралуу Бишкек шаардык милициясы кабарлады.
Маалыматта айтылгандай, Бишкек шаардык милициясы “Нелегал” аталышындагы профилактикалык иш-чараларды өткөрүшкөн. Анын жыйынтыгында чет өлкөлүк жаранды жумушка тартуу, алуу жана иштетүү эрежелери бузулган 800гө жакын учур аныкталган.
Укук бузгандарга Укук бузуулар жөнүндө кодексинин 430, 431, 93, 94-беренелери боюняа административдик протоколдор түзүлүп, жалпы 3 млн 615 мин 500 сом суммадагы айып пулдар салынган.