Бишкекте чет элдик жарандан 1 млн 10 миң сом алып, алдап кеткен шектүү кармалды. Бул тууралуу Ленин райондук милициядан билдиришти.
Маалым болгондой, 3-ноябрда Ж.Ч. аттуу чет өлкөлүк жаран Фучик менен Ден Сяопин көчөлөрүнүн кесилишинде сомду юанга алмаштырмакчы болгон. Ж. аттуу чала тааныш адам анын 1 млн 10 миң сомун юанга алмаштырып берем деп алып, алдап кеткен. Алданып калган чет элдик 26-декабрда милицияга кайрылган.
Аталган факт боюнча Кылмыш-жаза кодексинин 209-беренеси ( Алдамчылык) боюнча кылмыш иши козголгон.
Ыкчам-издөө иштеринин натыйжасында кылмышка шектүү катары 30 жаштагы Т.Ж. аттуу жаран кармалган. Ал убактылуу кармоочу жайга камакка алынган.
Учурда тергөө иштери уланууда.