Бишкекте дайынсыз болуп жаткан 14 жаштагы Акылбек Таалайбеков изделүүдө. Бул тууралуу Ленин райондук милициясынан билдиришти.
Маалым болгондой, 8-январда милицияга Бишкек шаарынын Т.К. аттуу тургуну (аял киши) кайрылып, 14 жаштагы уулу Акылбек Таалайбековду табууга жардам берүүнү суранган. Анын айтымында, уулу 7-январда болжол менен таңкы саат 05:00до Арча-Бешиктеги үйүнөн чыгып кеткен бойдон дайынсыз болууда.
Аталган факт каттоого алынып, тергөөгө чейинки текшерүү иштери башталган.
Белгилери: бою 165-170 см, арык чырай, көзү жана чачтары кара.
Өзгөчө белгилери: сол бетинде тырыктын тагы бар.
Кийген кийими: кара түстөгү куртка, баш кийим, шым жана кара түстөгү велосипеди бар.
Милиция Акылбек Таалайбековду көргөн-билгендер болсо, 0 (550) 223 333, 0(704) 447 770, 0(703) 401 600 же 102 номерине кабар берүүсүн суранат.
Учурда милиция тарабынан Акылбек Таалайбековду издөө иштери жүрүүдө.
Биздин Телеграм каналга катталыңыз