Бишкекте дүкөндө азык-түлүк жана акча уурдоого шектелип эки жаран кармалды. Бул тууралуу Октябрь райондук милициясынан билдиришти.
Маалыматка караганда, 11-ноябрда милицияга Ш.Ж. аттуу жаран кайрылып, 8-ноябрга караган түнү белгисиз адамдар Тыныстанов көчөсүндө жайгашкан дүкөнүнүн кулпусун бузуп кирип, 150 миң сомдук азык-түлүктү жана ичинде 190 миң сом болгон терминалдын кутусун уурдап кеткенин билдирген.
Аталган факт каттоого алынып, Кылмыш кодексинин 205-беренеси (Уурдоо) боюнча кылмыш иши козголгон.
Бул кылмышка шектүү катары 55 жаштагы Б.Т. жана 29 жаштагы Б.Э. аттуу жарандар кармалып, убактылуу кармоочу жайга камакка алынган.
Аталган эки жаран дагы 6 кылмышка тиешеси бар деп шектелүүдө.
Милиция шектүүлөрдүн кылмыштуу аракеттеринен жабыр тарткан же кандайдыр бир маалыматы бар жарандарды 0703 333 201 же 102 номерине кабар берүүсүн суранат.
Биздин Телеграм каналга катталыңыз