Бишкектин Кара-Жыгач конушунда «Мерседес-Бенц Спринтер» үлгүсүндөгү эки кичи автобус толугу менен күйүп кетти. Бул тууралуу Өзгөчө кырдаалдар министрлигинин басма сөз кызматы билдирди.
Министрликтин маалыматы боюнча, унаалардан чыккан өрт жакын жайгашкан турак жайга өтүп, анын кесепетинен бөлмөнүн жыгач устундары жана чатыры күйүп кеткен.
Өрттүн келип чыгуу себеби такталууда.