Бишкектеги Ош базарында 15 миң сом салынган капчыкты уурдап кеткен шектүү кармалды. Бул тууралуу Ленин райондук милициясынан билдиришти.
Маалыматка караганда, 30-августта шаар тургуну (аял киши) балдарына мектепке кийим, окуу куралдарын алып берүү үчүн Ош базарына барган. Болжол менен саат 12:00до белгисиз адам сумакасындагы 15 миң сом салынган капчыгын уурдап кеткен. Бул боюнча ал милицияга кайрылган.
Аталган факт боюнча Кылмыш-жаза кодексинин 205-беренеси (уурдоо) боюнча кылмыш иши козголгон.
Ленин райондук милициясыныны кызматкерлери «Чөнтөк уурулугуна жол жок» аталышындагы иш-чаранын алкагында шектүү катары 42 жаштагы О.З. аттуу жаранды кармаган. Ал тергөө кызматына жеткирилип, андан кийин убактылуу кармоочу жайына камакка алынган.
Учурда иликтөө иштери уланууда.
Биздин Телеграм каналга катталыңыз