Бишкекте «Ганбей түнкү клубу карантинге карабай ишин улантып жаткандыгы аныкталды. Бул тууралуу борбор калаанын администрациясы билдирди.
Маалыматка ылайык, Октябрь райондук мобилдүү командасы кечээ, 17-майда түнкү рейд уюштурушкан. Рейд учурунда «Ганбей» түнкү клубунун иши дароо токтотулуп, протокол түзүлгөн. Анда физикалык жактар 3 миң, юридикалык жактар 13 миң сомдон айып пул төлөшү керек.
«Карантинге карабай ишин улантып жаткан «Ганбей» түнкү клубунда кардарлар эс алып жатышкан», — деп жазылат Бишкек мэриясынын маалыматында.
Ушул жылдын 25-мартынан баштап Кыргызстанда коронавирус жайылып жаткандыгына байланыштуу бардык тойкана, тамактануучу, көңүл ачуучу жайлардын иши токтотулган. Алардын иши качан жанданат азырынча белгисиз.